كلام صعيدي عن الرجولة

كلام صعيدي عن الرجولة يبين قدر افتخار أهل الصعيد بنسبهم وأصلهم، الأقوال والحكم المأثورة في الصعيد تراث متوارث شفيهًا نشأت عليه أجيال وتغذت من قيمه وأخلاقه، ونظرًا لكونه منهجًا تربويًا في الأساس فإن اهتمام أهل الصعيد بإيجاد نسخة مسجلة أو مكتوبة منه أخذ في التزايد لحفظه من الاندثار، وعبر موقع الملك نعرض لكم الأقوال والكلام المعاصر للصعايدة.

كلام صعيدي عن الرجولة

الموروث الشعبي في الصعيد يصعب حصره وتوثيقه كونه متوارثًا شفاهيًا لم يدوّن ولم ينتقل إلا بالتلقين المختلف على صورة كتابته، ولكننا نستطيع عرض مجموعة من الأمثال المتداولة في أيامنا هذه.

• على الرجالة، على الرجالة بترحم، على الرجالة بترحم وببعت للقبور سلامات.
• وعشت وشوفت في أجيالنا دكور لكن في طبع بنات!
• مفيش عزة مفيش قيمة، شباب بالهلس غيبانة، هدوم متقطعة قديمة وماشية في بقها لبانة.
• شباب نسيت معالمها، ونسيت جوة منها تشوف، شباب العلم فهمها بأن الهيبة لهم خوف.
• سلاسل في الرقاب وأوشام، وعايشين لسة على المصروف، ومش بيخافوا أي حرام، بيلعبوا حتى على المكشوف.
• حياتهم كلها موضة، مفيش أحلام ولا أهداف، كأن الضلمة مفروضة، عليهم زي توب ولحاف.
• لا قرب من الإله ولا خوف، حياة عكرة بدون معنى، وإحنا علينا بس نشوف، بدون ولا كلمة تنفعنا؟

اقرأ أيضًا: أقوال عن الرجولة المزيفة

كلام صعيدي مكتوب

يُلاحظ أن قول الشعر والأمثال والحكم ينشط عند مناسبات معينة مثل الاستعداد للتنقل أو لتمثيل فترة من أطوار عمر الإنسان، وهو ما يجسد التوسل بالطرب والغناء والحكمة الشعبية أمام الرهبة وعدم الأمن، وربما هو أيضًا استعراض لقوى الجماعة الصعيدية في توفير هذا الأمن وقشع هذه الرهبة.

• أنا الصعيدي، رياحي خارج من حديثي مش كلام، رايح لآخر ودن تسمعني، أحني رقبتي لأرضنا وأبعت سلام.
• أركب لساني وأسوقه يرفعني، أنا الصعيدي اللي تولد وجه البلد، مولود على كفوفي ومش كف حد.
• من لما كنت جنين في كيسي بتجلد، متربي جوة قبل ما أنطق وأرد.
• حسيت بتعب الأهل من نبتي، قطعت حبلي بقوتي ونزلت جد.
• أنا الصعيدي، من وجه قبلي، وقبلي عاشوا رجال، متربين من يومنا على الأفعال، شقينا بطن الجبل، وكسرنا أي محال، أسأله علينا الزمن راح يحكي عليك موال.
• جينا عشان الشقى، والسعي في الشقشقا.
• ونصبة المشنقة لإعدام طفولتنا، جينا عشان نطلق أسامينا لو متنا.
• جينا رجال والجدعنة شيمة، وعشان نخلي في الحياة قيمة.
• لو مهما رخص الزمن، كلمتنا مترخص.
• وبيوتنا لو طين دهب، والدكة بتكون عرش.
• كرامتنا فينا معلقة جوة، شهامتنا سهم بيقطع الصعبة، وهدومنا جلابية لكن تسوى لحظة لباسها كسوة الكعبة.
• احنا الي تمشي بعينا بالمسافات، واحنا الي يسمع نبضنا الأموات، وممتش إحساسنا دا لسة فرات.
• بيملكوا من يفتتنا، بنعش أيوا بس سكات، ودي حاجة في طبعتنا، قلوبنا مش لأي بنات، قلوبنا للي يلفتنا، لا غيرنا سفر وبعاد، وغير غيرنا لهجتنا، لا غيرنا زمن موضة، ولا غيرنا صورتنا، احنا الصعيد البعيد عن قلة الدنيا، دولة في دولة وشعبها من السد للمنيا.
• عيلة في عيلة وشجرة طارحة جدود، وقلوب قيمتها أصيلة مش بتبور.
• على كل قلب تلاقي سور ورا سور، والعين تشوف العزة قبل النور.
• الصعيد فيها الحياء قبل الحياة، الصعيد على الأرض نعمة، علّى في أساسها الإله.
• الصعيد لو عشت فيها في الوجع متقلش اه، والفقير عندنا أغنى من الي في أيده مش معاه.
• الغنى في بلدنا دايمًا مش فلوس، الغنى غنى في النفوس.
• الصعيد خلفتها علما، وشعرا من عصر المعاني، الصعيد خلفتها ريّس يخشى صوته الأمريكاني، الصعيد فيها وفيها، بس مدفونة الأماني.
• الحريم من بيت أبوها لبيت راجلها لبيت مماتها، ست لو شافها الجبل ينحني تعظيم لذاتها.
• يالي على حجرك وليدك، رضعي طفلك عديد، وقبل ما يدخل علام، مسكيه كتاب الصعيد.

شعر صعيدي عن الرجولة

أهم ما يميز الكلام الصعيدي واللهجة الصعيدية هي نبرتها الإيقاعي الغنائية بالطبيعة والسليقة، كما تحظى المماويل والأشعار الشعبية بطابع ميلودي أصيل مأخوذ عن المناسبات التي كانت تلقى بها هذه الأشعار.

• مش بتليق على أي حد.
• المرجلة وقت الهزار هزار ووقت الجد جد.
• أنك تقدم ألف سبت ومتستناش من حد الحد.
• الرجولة عيش وملــح تدوس على أي جــرح.
• تعيش بالأصول وتعيشها صح ومتخافش من أي حد.
• الرجولة مش بق وكلام ولا حوشت كام الرجولة أنك تبقا.
• تمام ساعة الوجع وساعت الجد تصد لا يقدر وجع فيك يهد.
• وتماشي الأصيـــل اللي بميت ولــد دا قالوها جدودنا زمان؟
• يا أهل الصعيد يا معدن رجال ما يوقف أمامكم أسود على الجبال.
• قالوا علينا شوية أقفال قلنا سيبوهم شوية عيال.
• ومهما قالوا نحن رجال.. لا نخشى غير القادر المتعال.
• يا أهل الصعيد يا قاهر رجال، شوف عملت ايه في الثلاثي المحال.
• والفرنسي اللى قالوا محال نخوض الصعيد محال.
• أسألوا عنا جيوش العالم أيام القتال.
• يا أهل الصعيد يا معدن الرجال.

اقرأ أيضًا: كلام عن الأصيل وقليل الأصل

شعر صعيدي عن الأصول محمد العتمان

للشاعر محمد العتمان أقوال وأبيات نالت شهرة كبيرة بين شباب الصعيد وشيوخهم، ولا شك أن شهرته على مواقع التواصل الاجتماعي والتعليقات الإيجابية التي يحظى بها هي أكبر دليل على القبول والاستحسان الذي يحوزه بين شعراء الصعيد العاميين.

القصيدة الأولى التي نستعرضها له ونعرض لكم المقاطعة الحسنة منها والأكثر شاعرية هي قصيدة مطلعها “أقول لحال وصل الأخضر والوضع أصبح خطير” وهي تتحدث عن أمجاد سكان الصعيد وخلقهم.

• العفو العفو يا وقت والمغفرة كل شيء واضح ما يحتاج خبير.
• وكنت أراقبك بالمجهار والكاميرا واليوم يشوفك الأعمى والبصير.
• الناس في الاحترام والميسرة بقيت تحترم قليل الحيا الي رصيده كتير.
• إحنا فقارة، لكن عقولنا منورة، النفر منا يتصرف كأنه أمير.
• وإن قامت الحرب نتعسكر ساعة العسكرة، الطفل فينا يوقّع أكبر كبير.
• بنرضى بالي نزله الله وقدره، متسلحين بالقيم والمبادئ والضمير.
• احنا اتربينا على العز من مصدره، يا رب لا تحطنا في موقف مع واحد حقير.
• راسي لو وطي لغيرك أنا اكسره، مش عايز مع الذل أطوّر البس حرير.
• ولو في حياتي إهانة يا رب عجل الآخرة، ولو في الغني ذل أنا راضي أحيا فقير.
• حرام العيشة الي تهين الحر وتجرجره.

شعر صعيدي عن الفخر محمد العتمان

للشاعر أقوال أخرى أثرت الشعر العامي الصعيدي، وتكمن أهميته في أن هذا الموروث المتناقل من جيل إلى التالي مازال دافقًا يضاف عليه من المحدثين والمعاصرين الذين يعبرون عن تمسكهم بأصولهم وأعرافهم.

• الرضيع عندِنا بنمسكّه آلي وطفلنا بيتفطم بيقلد عمامه من قوته وجبروته، تنجر الشناب قدامه كأنه صعيدي وكبير مش طفل وبيرضع.
• أصل شبابنا شباب ميهمش حد، أسياد على الأسياد وزي النجوم في العد، وقت الهزار بهزار.. والجد وقت الجد.
• كل باب في الخير بنخش من خله، لأجل الشرف لينا.. ولو على الشهامة يا ناس يبقا يتعرف بينا.
• فوق الفلوس بندوس عشان تعلينا وبنحيا بِها نفوس.. ولا حد يحينا.
• بحر الكرم من عندنا، طول عمرنا بندي.. ولا حد يدينا.
• بيت الكرم عالي.. بنينا بأدينا، وكل البلاد حوالينا مليانة سناج وسيوف.. وفوق كل بيت عندِنا أكتر من جرانوف، قول للزمان يا زمان، اشهد هنا وشوف، هيقولوا أهل الصعيد ميعرفوش الخوف.
• وأنا مش عشان قلت قصيدة يبقا دا آخر الصعيد.. الصعيد وصفه صعب.. لو اجتمع شعرهم ولا الزهير ابن سلمى ولا الأصفهاني.
• وأنا لو فضلت أذكر من الحدود للحدود، هلاقي رجالة بتطلع أسود وأسود.
• وأنا أرجع من تاني هقول: صعيدي صنع رجال، صعيدي بنى مستقبل، الصعيدي راجل حر وماشي على المبدأ.
• وتحياتي لكل الناس وكل البلاد الي حوالينا، كلها دكوره، والرجالة المحترمة نقدروها على راسنا.

موال صعيدي عن الفخر

الطقوس الشعبية التي استدعت قول كلام صعيدي عن الرجولة لا بد أنها محفوفة بالشعائر الجماعية التي استدعت هذا الحشد من الزغاريد والنواقيس والأعيرة النارية التي اهتزت طربًا لهذا الشعور الحميم بالفخر والعزة.

• لما يزعق عل النخل يتهز الجريد، ولما يزعل ده ممكن يكسر حديد.
• الصعيدي توب تقيل، خياطته بالتاريخ وبالدليل.
• الصعيدي شاش وعمة، والضمير حداه وذمة.
• مكفياكم من المناهدة، فرحانين لما قولتوا نكتة.
• قولوا نكتة وقولوا تاني، في الكتابة الفرق جملة! بس الجبل هتهزه نمله؟
• لما بحكي عن الصعيد، أنا ببقى فرحان وسعيد.
• وقلبي طاير، أيوة بحكي عن الكباير.
• وراسى فوق، وكلى ذوق.
• احنا المحاكم واحنا السماح، والرجولة مش نطاح.
• تشوف العيال بتلعب بالورق، واحنا عيالنا تلعب بالسلاح.
• يعم فوق، يعم روق، وقبل متقول نكتة اعرف فين أساسك.
• مين ف العرب يبقوا ناسك، كده كفاية، ويمكن تلاقى حد يرد راسك.

اقرأ أيضًا: قصيدة مدح في رجل كريم شهم

كلام من قلب الصعيد عن الرجولة

لم يتوقف الكلام صعيدي عن الرجولة في مدح شمائل أهله وقومه، ولكنه استنكر كذلك البدع والمحدثات والطبائع الدخيلة التي شوهت طبيعة الرجل الصعيدي القوي والشهم، ويقول الشاعر العامي محمد القوصي قصيدة ملهمة شجية تعبر عن وجدان من ترعرع في الصعيد ثم وجد شبابها يحيدون عن دربهم وخلقهم.

• إحنا ناس على قد الطيبة كلنا هيبة.
• توب الرجولة مش بيليق على أي حد.
• الرجولة مش كلام يتقال ومجاملة الرجولة جدعنة وأفعال ومعاملة.
• احنا الصعايدة لو صخر الجبل اتبدل إحنا ما نتبدل.
• مهما الزمان دار ما يغير الأصيل.
• مش أنا اللي اتكسر بسهولة علشان أبويا مربيني على الرجولة.
• سيرة الراجل الصعيدي بتدوم لو حتى تحت التراب مدفون.
• في الاحترام محدش قدنا، في الشياكة مفيش زينا، في الكلام عارفين نفسنا.
• لو هتلعب ضدنا أنت تخسر، لوهنحطك جنبنا أنت أصغر، لو هتتكلم عننا تبقى تحذر، أي حاجة تخصنا خط أحمر.
• ميتنجلش على الطبلية غير الصحن العوج.
• مش كل من شال الحمل يتقال عليه قادر، ولا كل من خطلو الشنب يتقال عليه راجل.
• أنا الصعيدي معروف بجلابيتي البلدي، وعمتي ملفوفة على راسي، واللاسة مرمية على الكتفين.
  أهل الكرم وناس مضيافة، واللي يعاشرنا نشيله بين حبابي العين.
• لو مش قد السر متسمعش، ولو مش قد كلمتك متقولش، ولو مش قد العيش والملح متطفحش.
• في ناس عاملة زي التليفونات الصيني: رخاص قوي وصوتهم عالي على الفاضي.
• صاحب الفقير على حاله ولا تصاحب الندل على ماله.
• في ناس بتحب تعمل كبيرة بالاسم ومفيش منها أفعال.
• وفي ناس أفعالها كبيرة وعمرهم ما قالوا إحنا كبار ولا طلبوا من حد يكبرهم.

كلام صعيدي عن الرجولة قد يكون مصدره البحث عن استعراض العزة والمنعة، أو التحسر على ما آل إليه أمر الرجال في الوقت الحالي والتأسّي على ما فات من أزمان الرجولة التليدة.